મોરબીના ઘુંટુ ગામના તલાટી કમ મંત્રીની કામગીરી પર ગ્રામ પંચાયતના સદસ્યએ ફરી સવાલો ઉઠાવ્યા
મોરબી: મોરબીના ઘુંટુ ગામે તલાટી કમ મંત્રી પોતાની ફરજ પર બેદરકારી દાખવી ગેરહાજર રહેતા હોવાની ગ્રામ પંચાયતના સદસ્ય દ્વારા તાલુકા વિકાસ અધિકારીને રાવ કરેલ તેમજ આ બાબતે ચક્રવાત ન્યૂઝમા અહેવાલ પ્રસિદ્ધ થયેલ હોય ત્યારે ફરી એક વખત તલાટી કમ મંત્રી ગેરહાજર રહેતા હોવાની ઘુંટુ ગ્રામ પંચાયતના સદસ્ય દ્વારા મોરબી જીલ્લા વિકાસ અધિકારીને લેખિત રજૂઆત કરી રાવ કરવામાં આવી છે. અને જો રજુઆત ધ્યાને લેવામાં નહી આવે તો ગામલોકો સાથે રાખી આંદોલન કરવાની ચિમકી ઉચ્ચારી હતી.
મોરબી તાલુકાના ઘુંટુ ગ્રામ પંચાયતમા તલાટી કમ મંત્રી ફરજ પર બેદરકારી દાખવતા હોય અને ગ્રામ પંચાયતમાં ગેરહાજર રહેતા હોય જેથી અરજદારોને હાલાકી ભોગવવી પડતી હોવાના અગાઉ ચક્રવાત ન્યૂઝ દ્વારા અહેવાલ પ્રસિદ્ધ કરવામાં આવ્ય હતા પરંતુ આજદિન સુધી કોઈ પણ પ્રકારના આ તલાટી કમ મંત્રી પર પગલાં ભરવામાં આવ્યા નથી ત્યારે ફરી એક વખત મોરબીના ઘુંટુ ગ્રામ પંચાયતના સદસ્ય મિલન ડી. સોરીયા દ્વારા મોરબી જીલ્લા વિકાસ અધિકારીને લેખિત રજૂઆત કરી જણાવ્યું હતું.
