વાંકાનેરના રાજવી કેસરીદેવસિંહજી ઝાલાનું રાજ્ય સભામાં સાંસદ તરીકે નિયુક્તિ થતા ભવ્ય સભા વાંકાનેરમાં વિજય યાત્રા નીકળેલ જેમાં રાજકોટ લોકસભાના સાંસદ મોહનભાઈ કુંડારીયા, ટંકારા પડધરી ના ધારાસભ્ય દુર્લભજીભાઈ, મોરબી ના ધારાસભ્ય કાંતિલાલ અમૃતિયા તેમજ જિલ્લા પ્રમુખ રણછોડભાઈ દલવાડી તેમજ મોરબી જિલ્લાના વિવિધ હોદ્દેદારો વિજય યાત્રામાં ઉપસ્થિત રહેલ, તેમજ બહોળી સંખ્યામાં વિવિધ સમાજના આગેવાનો દ્વારા ફૂલહાર તેમજ પુષ્પ વર્ષા થી સન્માન કરીને અભિનંદન પાઠવ્યા વાંકાનેરની પ્રજાએ ખુશી નો માહોલ અનુભવી વાંકાનેર ચોટીલા બાઉન્ડ્રી થી મહીકા, ગારીયા, ચંદ્રપુર, નેશનલ હાઈવે થી ગ્રીન ચોક, માર્કેટ ચોક, થી બાપુના બાવલૅ પહોંચીને સભામાં ફેરવાય હતી.
આ વિજય યાત્રા વાંકાનેરના રાજમાર્ગો પર ફરી હતી અને રાજમાર્ગોના દરેક ચોકમાં વિવિધ એશોસિયનો અને સમાજ દ્વારા વાંકાનેર ના મહારાજા અને નવનિયુક્ત રાજ્ય સભાના સાંસદ સભ્ય શ્રી કેસરિદેવસિંહજી ઝાલાનુ સ્વાગત અને સન્માન કરાયું હતું. તેમ જ સમગ્ર શહેરને સુશોભિત કરવામાં આવ્યું હતું, ઠેર ઠેર જગ્યાએ કમાનો બાંધી અને વિવિધ સમાજ અને એશોસિયનના સ્વાગતના બેનરો લગાવવામાં આવ્યા હતા.
