ગોંડલના વોરાકોટડા ગામે પિતાની જમીનમાં દબાણ કરી પિતા સાથે ઝઘડો કરનાર કાકા અને તેના પરિવારને સમજાવવા પુત્ર સાથે પહોંચેલા આધેડની કાકા અને તેના પુત્ર-પુત્રવધૂ તથા કાકીએ મળી છરી વડે હુમલો કરી હત્યા નિપજાવ્યાની તેમજ આધેડના પુત્રની પણ હત્યાનો પ્રયાસ કર્યાની ઘટના ગોંડલ તાલુકા પોલીસ મથકે નોંધાઈ છે. બે ફૂટ જમીન દબાણ કર્યું હોય જે બાબતે બન્ને પરિવાર વચ્ચે ઝઘડો થયો હતો અને લોહીની સગાઈ ભૂલાઈ હતી.
ઘટનાની પ્રાપ્ત વિગતો મુજબ હત્યામાં જીવ ગુમાવનાર રાજેશ ઉર્ફે રમેશ નાથાભાઈ સાકરિયાના પિતા નાથાભાઈ જીણાભાઈ સાકરિયા અને કાકા ચીનુભાઈ જીણાભાઈ સાકરિયાની ખેતીની જમીન એક શેઢે આવેલી છે. ચીનુભાઈએ સગ્ગા ભાઈની બે ફૂટ જમીન પર ખેડાણ કરીને દબાણ કર્યું હતું જેથી નાથાભાઈએ વિરોધ નોંધાવ્યો હતો જે બાબતે નાથાભાઈ સાથે તેનો ભાઈ ચીનુ, ભત્રીજો અજય ઉફર્ષ ટીટો પરિવાર ગત મોડીરાત્રે ઝઘડો કરતો હતો.
આ પણ વાંચો : આ ઇન્ટરનેશનલ એરપોર્ટ છે ?! 2600 કરોડના હીરાસર ઍરપોર્ટમાં બસપોર્ટ જેવી સુવિધા પણ નહીં : અઠવાડિયાથી AC બંધ
વાડીએ પિતા સાથે ઝઘડો થતાં રાજેશ ઉર્ફે રમેશભાઈ, પુત્ર અનિલ (ઉ.વ.23) સાથે ટૂ-વ્હિલર પર કાકાની વાડીએ સમજાવવા પહોંચ્યા હતા જ્યાં ઝઘડો કરનાર કાકા અને તેના પુત્ર અજય (પિતરાઈ ભાઈ), કાકી સહિતનાને સમજાવતા જ ઉશ્કેરાયેલા અજય ઉર્ફે ટીટાએ રમેશભાઈ પર છરીનો ઘા કરતાં પુત્ર અનિલ વચ્ચે પડ્યો હતો. અનિલને સવિતા અને ચીનુએ પકડી લીધો હતો અને અજયે વાસાના ભાગે છરીના ઘા ઝીંક્યા હતા.
પુત્ર પર હુમલો થતાં પિતા રાજેશ ઉર્ફે રમેશ બચાવવા રમેશને કાકા ચીનુ તથા અજયની પત્ની હેતલે પકડી રાખ્યા હતા અને આને છરીના ઘા મારી દે કહેતા અજય પિતરાઈ ભાઈ રમેશના પેટના, વાસાના ભાગે ચાર-પાંચ ઘા ઝીંકી દેતા રમેશ લોહિયાળ હાલતમાં ત્યાં જ ઢળી પડ્યો હતો. જતા જતા રમેશના પુત્ર અનિલને પણ અજયે પેટના ભાગે હાથ પર છરી મારી દીધી હતી.
આ પણ વાંચો : બાળ સાવજની દેશભક્તિ! દસ વર્ષની ઉંમરમાં કર્યું એવું કાર્ય કે સેનાએ કર્યું સન્માન, વાંચો શૂરવીરની ગૌરવ ગાથા
થોડી જ વારમાં રમેશનો સગ્ગો ભાઈ શામજી, તેના પુત્રો તથા પિતા નાથાભાઈ સહિતના દોડી આવ્યા હતા. બન્નેને સારવારમાં ગોંડલ હોસ્પિટલે ખસેડાયા હતા જ્યાં તબીબે રમેશભાઈને મૃત જાહેર કર્યા હતા. જ્યારે પુત્ર અનિલને ગંભીર ઈજા હોવાથી વધુ સારવાર અર્થે રાજકોટ ખસેડવામાં આવ્યો હતો.
બનાવ અંગે ઈજાગ્રસ્ત અનિલ રાજેશભાઈ ઉર્ફે રમેશભાઈ સાકરિયા (ઉ.વ.23) દાદાના સગ્ગાભાઈ પિતરાઈ દાદા ચીનુ જીણા સાકરિયા, દાદી સવિતા ચીનુ, ચીનુના પુત્ર અજય ઉર્ફે ટીટો તથા અજયની પત્ની હેતલ સામે હત્યા, હત્યાના પ્રયાસના આરોપસર ફરિયાદ નોંધાવતા ગોંડલ તાલુકા પોલીસે ચારેય વિરૂધ્ધ ગુનો નોંધી ચારેયની ધરપકડની તજવીજ હાથ ધરી છે. વોરાકોટડા ગામે જમીનના મામલે એક જ પરિવારમાં લોહી રેડાતા ગામમાં ભારે ચકચાર જાગી છે.
