*સુરેન્દ્રનગર જિલ્લામાં દુધરેજ વડવાળા મંદિર પરિસર ખાતે ૧૧૧ દિવડા પ્રગટાવી "આંતરરાષ્ટ્રીય યોગ દિવસ"નો સંદેશો આપતી રબારી સમાજની બહેનો*
‘સ્વંય અને સમાજ માટે યોગ’ની થીમ સાથે ૧૦માં "આંતરરાષ્ટ્રીય યોગ દિવસ"ની ઉજવણી થવાની છે. ત્યારે મહીલાઓ પણ જાગૃત થઇને યોગને જીવનશૈલીનો એક ભાગ બનાવી અપનાવે તે માટે સઘન પ્રયાસો કરવામાં આવી રહ્યા છે. મહિલાઓને પ્રોત્સાહીત કરવાના હેતુસર આ કાર્યક્રમમાં બહોળી સંખ્યામાં રબારી સમાજની મહિલાઓ, સંતો, મંહતો ઉપસ્થિત રહ્યા હતા.
ઉલ્લેખનીય છે કે, આગામી ૨૧ જૂનના રોજ મહત્તમ નાગરીકો યોગ કાર્યક્રમમાં જોડાય તે માટે પૂરજોશમાં તૈયારીઓ ચાલી રહી છે. જિલ્લા યોગ કોર્ડીનેટરશ્રી નીતાબેન દેસાઈના માર્ગદર્શન હેઠળ સુરેન્દ્રનગર જિલ્લાની યોગ ટીમ દ્વારા યોગ સપ્તાહની ઉજવણીરૂપે રોજ જુદી જુદી જગ્યાઓએ યોગલક્ષી કાર્યક્રમો કરવામાં આવી રહ્યા છે.
