કલેક્ટરશ્રી જી.ટી.પંડ્યાના અધ્યક્ષસ્થાને ટંકારા તાલુકાના જબલપુર ગામે રાત્રી સભા યોજાઈ
ટંકારા તાલુકાના જબલપુર ગામે મોરબી જિલ્લા કલેક્ટરશ્રી જી.ટી.પંડ્યાના અધ્યક્ષસ્થાને રાત્રી સભાનું આયોજન કરવામાં આવ્યું હતું.
દરમિયાન કલેક્ટરશ્રીએ ગ્રામ પંચાયતની સ્થળ તપાસ કરી હતી. રાત્રિસભા અંતર્ગત લોકોના પ્રશ્નોનો મુખ્યત્વે સ્થળ પર જ નિકાલ કરાયો હતો. જે પ્રશ્નોનો સ્થળ પર નિકાલ કરી શકાય તેમ ન હોય તેવા પ્રશ્નોનો નિયત સમમર્યાદામાં નિકાલ કરવા કલેક્ટરશ્રી સબંધિત અધિકારીઓને તાકીદ કરી હતી. વહીવટી તંત્રના મહેસૂલી, આરોગ્ય, ખેતી, પંચાયત વગેરે વિભાગના અધિકારીઓએ ગ્રામજનોને વિવિધ જન કલ્યાણની યોજનાઓની માહિતી આપી હતી.
