*જસદણ તાલુકાના ગોડલાધાર ખાતે આરોગ્ય વિભાગ દ્વારા ચાંદીપુરા વાયરસ અંગે જનજાગૃતિ સેમિનાર યોજાયો*
આરોગ્ય વિભાગના સ્ટાફે જણાવ્યું હતું કે, આ વાયરસના ફેલાવા માટે સેન્ડ ફ્લાય વાહક જવાબદાર છે. વાયરસના ઇંફેક્શન ૯ માસથી લઇને ૧૪ વર્ષ સુધીના બાળકોને વધુ અસર કરે છે જેમાં બાળકોને સખત તાવ આવવો,ઝાડા થવા, ઉલ્ટી થવી, ખેંચ આવવી, બેભાન થવું સહિતના લક્ષણો જોવા મળે છે. આ વાયરસથી બચવા ૧૪ વર્ષ સુધીના બાળકોને જંતુનાશક દવાયુક્ત મચ્છરદાનીમાં સુવડાવવું, શક્ય હોય ત્યાં સુધી ખુલ્લા શરીરે ઘરની બહાર આંગણામાં (ધુળમાં) રમવા ન દેવા અને શરીરે આખા કપડા પહેરવા, સામાન્ય તાવની હોય તો ડોક્ટરનો સંપર્ક કરવો અને યોગ્ય સારવાર લેવી સહિતની બાબતોથી ગ્રામજનોને માહિતગાર કર્યા હતા.
આ સેમિનારમાં ગામના સરપંચશ્રી અશોક એમ. ચાંવ, જસદણ મામતદારશ્રી એમ.ડી દવે, આરોગ્ય વિભાગના અધિકારીશ્રીઓ અને કર્મચારીઓ, આશા વર્કર બહેનો, શાળાના શિક્ષકો, ગામના આગેવાનો અને ગ્રામજનો ઉપસ્થિત રહ્યા હતા.
